Sa kaminyuon, pagahiusahon ang usa ka lalake ug babaye. Sa pulong pa sa magwawali, sa kaminyuon ang duha ka lawas mahimong usa. Apan ang atong nasabtan dayon mao nga human sa kasal, ang asawa magdala na sa apelyido sa iyang bana.
Unsay gilatid sa balaod?
Ang Article 370, New Civil Code (Republic Act No. 386), nagkanayon, “A married woman may use: (1) Her maiden first name and surname and add her husband’s surname, or (2) Her maiden first name and her husband’s surname, or (3) Her husband’s full name, but prefixing a word indicating that she is his wife, such as “Mrs.”
Ang babaye nga minyo mahimong mogamit sa iyang ngan ug apelyido sa pagkadalaga ug sumpayan sa apelyido sa iyang bana, sa iyang ngan ug apelyido sa bana ug sa tibuok ngan sa iyang bana apan butangan sa sinugdanan og Mrs., isip timailhan nga siya ang asawa, sama pananglit sa Mrs. Juan dela Cruz.
Apan usa ka desisyon sa Korte Suprema (Remo v. Secretary of Foreign Affairs, G.R. No. 169202, March 5, 2010) nag-ingon nga ang paggamit sa asawa sa apelyido sa iyang bana ubos sa maong balaod “is permissive rather than obligatory” tungod sa paggamit sa mga pulong nga “may use.” Gitugotan lang apan di obligasyon sa asawa ang pagdala sa apelyido sa bana.
Matod pa sa Labawng Hukmanan, “Clearly, a married woman has an option, but not a duty, to use the surname of the husband in any of the ways provided by Article 370 of the Civil Code. She is therefore allowed to use not only any of the three names provided in Article 370, but also her maiden name upon marriage.”
Ang maong balaod wa magdili sa asawa sa padayon nga pagdala sa iyang ngan sa pagkadalaga. Matod pa sa Korte Suprema, “She is not prohibited from continuously using her maiden name once she is married because when a woman marries, she does not change her name but only her civil status. Further, this interpretation is in consonance with the principle that surnames indicate descent.”
Ubos sa maong desisyon, ang babayeng minyo mahimong magpadayon sa pagdala sa iyang ngan sa pagkadalaga tungod kay ang kaminyuon wa mag-usab sa iyang ngan. Nausab mao ra ang civil status, single ngadto sa married.
Gustong klaruhon kini sa mga magbabalaod. Busa, niadtong Miyerkules, Disyembre 1, 2021, sa boto nga 227-0, gipasar sa House of Representatives sa final reading ang House Bill No. 10459 nga mag-amendar sa Article 370, New Civil Code.
Ubos niini, ang asawa mahimong mogamit sa bisan hain niining mosunod: (1) Maiden first name and surname; (2) Maiden first name and surname and add her husband’s surname; (3) Maiden first name and her husband’s surname; or (4) Husband’s full name, but prefixing a word indicating that she is his wife, such as “Mrs.” - edbarrita@gmail.com