3 ka bata nga magsuon gitigbas

GIPATAY: Giyayungan sa mga taga punerarya ang lawas ni Efren Bonghanoy, 41, taga sityo Lawis, Barangay Maghaway, Dakbayan sa Talisay. Si Bonghanoy, tanod sa dapit, gipusil patay sa nag-inusarang gunman nga nagmotorsiklo mga pasado alas 11 sa buntag sa Martes. (Alan Tangcawan)
GIPATAY: Giyayungan sa mga taga punerarya ang lawas ni Efren Bonghanoy, 41, taga sityo Lawis, Barangay Maghaway, Dakbayan sa Talisay. Si Bonghanoy, tanod sa dapit, gipusil patay sa nag-inusarang gunman nga nagmotorsiklo mga pasado alas 11 sa buntag sa Martes. (Alan Tangcawan)

Tulo ka mga managsuon, nagpanuigon og 11 ngadto 17 anyos, kritikal nga gipangdala sa tambalanan human panigbasa sa ilang silingang lalake alas 9:30 sa buntag sa Purok 2, Barangay Tabon, lungsod sa Dalaguete, habagatang Sugbo.

Ang suspek nga giilang si Junjun Quijano, 27, ulitawo, gituohang wa sa maayong pangisip, gidala usab sa tambalanan human makaangkon og daghang mga samad kay nagdunggab sa kaugalingon.

Mga biktima giila sa kapulisan nga sila si Jovelyn Enopia, 17, tinun-an sa Grade 11; Juan Enopia,14, tinun-an sa grade 9; ug Victorina Enopia, 16, tinun-an sa grade 10.

Ang mga biktima daling gidala sa tambalanan sa dakbayan sa Sugbo tungod sa seryusong kahimtang gumikan sa kadaghan sa ilang mga samad tinigbasan sa nagkadaiyang parte sa lawas.

Si Major Pedy Noval, hepe sa Dalaguete Police Station nga nahinabi sa Superbalita Cebu, nagkanayon nga sila si Jovelyn ug Victorina nanglaba sa ilang mga sapot sa atabay nga duol ra sa ilang balay ug sa mga Quijano.

Samtang nanglaba sila, kalit nga nag-wild si Quijano, nigawas nagdala og kutsilyo ug sundang.

Giingong iyang gipangbunlot ang managsuong babaye, paingon sa iyang balay ug dayon gipangtigbas sa makadaghang mga higayon.

Si Juan nga nakakita sa gibuhat ni Quijano sa iyang duha ka mga igsuon, nagdali sa pagtabang pero siya na sab ang giatake, gitigbas sa makadaghang mga higayon.

Human sa pagpanigbas, si Quijano giingong nagdungab sa kaugalingon sa makadaghan.

“Kana ang mga biktima nalingaw sa pagpanglaba, dala kanta-kanta. Dako sab ilang tingog kay mga bata pa lagi. Unya gisabaan daw ning suspek, nag-wild gipangtigbas,” matod ni Noval.

Ang mga ginikanan ni Quijano nibutyag nga magsuol-suol ang sakit sa pangisip sa suspek.

Nagtuo sila nga nagutman ang ilang anak unya gisabaan sa mga biktima nga nanglaba, hinungdan gipang-atake.

TANOD GIPATAY

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph