Bag-ong kaso sa Covid-19 sa Oro duha ra

SINGLE digit, kun wala na makaabot og 10 ka kaso sa coronavirus disease (Covid-19) ang natala sa Cagayan de Oro human duha na lang ka mga residente ang mipositibo sa virus, sumala sa report sa City Health Office sa dakbayan.

Ang kinatibuk-ang ihap sa mga kumpirmadong kaso sa Covid-19 sa syudad anaa na sa 20,426.

Sumala sa report sa City Health Office, ang duha ka mga local index nga mga kaso usa ka 56 anyos nga babae ug 50 anyos nga lalaki. Silang duha wala nakapabakuna.

Ang Cagayan de Oro adunay 117 ka mga active cases, 16 niini na-admit sa Northern Mindanao Medical Center ug uban pang mga ospital sa syudad, ug 101 ang mga outpatients.

Nakatala usab og usa ra ka coronavirus-positive nga kaso nga karon naka-recover human nagnegatibo ang resulta sa iyang repeat swab test.

Anaa na karon sa 19,458 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 851.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph