LAPULAPU. Usa ka pulong, dili hyphenated.
Mao kini ang gitataw sa Executive Order (EO) 152, nga gilagdaan ni Presidente Rodrigo Duterte niadtong Lunes, Disyembre 6, 2021, kon maghisgot sa bayani nga Pilipino nga nakig-away kang Portuguese explorer Ferdinand Magellan sa Battle of Mactan niadtong ika-16 nga siglo.
Sa iyang EO 152, si Duterte niingon nga ang pagsagop sa usa ka komon nga paghubad sa ngalan ni Lapulapu, aron mahiuyon sa unang mga paghisgot, “makatabang sa edukasyon sa atong kabatan-onan mahitungod sa kasaysayan sa Pilipinas, nga maoy pundasyon sa pagporma sa nasudnong pagkatawo.”
Ang EO 152 nag-amendar sa tanang paghisgot sa ngalan nga Lapu-Lapu sa EO 17 (serye sa 2017) ug 55 (serye sa 2018). Isulat na ang ngalan nga Lapulapu.
Gimandoan ni Duterte ang tanang ahensya ug instrumentalidad sa gobyerno, apil ang government-owned or -controlled corporations, ingon man state universities and colleges sa pagsagop sa “Lapulapu” kon maghisgot sa ngalan sa Pilipinong bayani.
Ang samang direktiba gitumong ngadto sa tanang local government units, non-government organizations, civil society groups ug pribadong sektor.
Giklaro hinuon sa EO 152 nga ang mga opisyal nga ngalan sa mga dapit, sama sa Lapu-Lapu City sa Sugbo, kinahanglang respetuhan, nga ang ngalan naestablisar na sa balaod.
Namatikdan usab sa EO nga ang una nga paghubad sa Latin nga alpabeto sa ngalan sa bayani sa Mactan mao ang “Cilapulapu,” nga ang “Ci” dayag nga usa ka halangdon nga titulo diin ang mga bayani nga sila Jose Rizal ug Juan Luna nagkuha sa ilang kaugalingon nga mga paghisgot kaniya nga “Si.” Lapulapu.”
Si Executive Secretary Salvador Medialdea, sa samang EO, niingon nga ang direktiba magaepekto sa pagmantala niini sa Official Gazette o sa usa ka mantalaan nga adunay kinatibuk-ang sirkulasyon. (TMP sa SunStar Philippines)