Dear Noy Kulas,
I-hide lang ko sa ngan John. Bag-o ra ko nag work ug I am 23 years old. Kay bag-o pa man ko, gasugod ko as contractual sa kompaniya nga naa ko nag work. Ang akong problema kining usa ka supervisor nga 56 years old. Itago lang nato sa ngan nga Min.
Under niya ang akong department ug naka notice na ko niya sa first day pa lang nako sa work, magsige na na siya og tutok nako. Unya pag work na nako, pirme ko niya tawgon kon mag break ug lunch kay hatagan ko niya og food.
Last year di ba grabe kaayo ang pandemic? Iya kong gi recommend nga usa ko sa patrabahuon bisan kon contractual ko kay maayo kuno ko motrabaho. Karon, nag probationary na ko kay ni back up siya nako.
Last month nag outing mi kuyog ko ug naa siya. Karon kay pagkagabii, pwerte na namong tagay hangtod nga nangahubog mi. Aron kuno mi mahuwasan, iya kong giagda og pangaligo ug kanang kami rang duha, iya kong gi hug ug gitsula ko niya og maayo. Palag unta ko pero nadala ko sa akong giinom kay nanginit na unta ko ug naa untay mahitabo pero naundang kay niapas among mga kauban.
Since nahitabo to, Noy, nagsige na siya og text nako og I love you ug nanghagad og date. Gwapa man siya unya mga 15 years nang biyuda. Nindot pud og body ug tan-awon siya, naa pa sa late 30s but manghod pa man niya akong mama. Lainan ko mag think sa iyang edad pero mao lagi ang akong future nakasalalay sa iyaha. Unsa may imong ikatambag nako? Okay ra ba kon ako siyang sakyan? Wa nuon koy uyab while siya biyuda, di ba? Daghang salamat kon imo kong tambagan.
JOHN
John,
Bata pa man ka, ayaw lang pagsawom sa tentasyon kay maglisod na unya ka og haw-as kon maanod na ka sa lawom nga tubig. Kana bang mahimo na ka niyang tuk-on anytime kay nakautang na ka og kabubut-on. Mahimo ra niyang daugdaugon kay maghuna huna siya nga di ka maingon ana kon wa pa siya. Unya pugson kag magpakasal mo. Huna-hunaa, mag mama o mag tita kaha na sa imong mama nga maguwang pa man na siya?
Pang-apply og lain nga kompaniya kanang wa kay sabit. Kanang way molutas sa imong mga ngabil nga duna pay gamay nga gatas nga nahabilin. Haw-as samtang makaya mo pa nga molingkawas.
NOY KULAS
kulassuper@sunstar.com.ph