Pangandoy ni Magsayo matuman

MAHATAGAN na og katumanan ang damgo ni Mark Magsayo nga makaaway alang sa world title.

Si Magsayo, kinsa adunay 23-0, 16 KOs nga rekord, mosuway pag-ilog sa World Boxing Council (WBC) featherweight title ni American Gary Russell (31-1, 18KOs) karong Enero 22, 2021 sa wala pa matino nga venue..

Kining maong oportunidad nagsilbeng bunga sa impressibong kadaugan ni Magsayo batok kang Julio Ceja niadtong Agusto 21, 2021 didto sa T-Mobile Arena sa Las Vegas, Nevada.

Ang 33-anyos nga Russell maoy pinakadugayng kasamtangang kampiyon sa boxing.

Apan ang giilang banggiitang walhon nga fighter nakabaton og mga pagsaway gikan sa boxing fans tungod kay tagsa ra kaayo kining moaway.

Ang 2008 US Olympian nakadepensa sa iyang WBC title kalima ka higayon sukad niya langkati sa kampyunato si Johnny Gonzalez sa Mexico pinaagi sa 4th round knockout niadtong Marso, 2015.

Lumad nga taga Capitol Heights, Maryland apan nagdako sa Washington, D.C., si Russell wala makaaway sukad iyang napildi ang taga Mongolia nga si Tugstsogt Nyambayar (12-2, 9KOs) pinaagi sa unanimous decision niadtong Pebrero, 2020 sa PPL Center sa Allentown, Pennsylvania.

Ang Covid-19 pandemic maoy dakong rason kon nganong wala makaaway si Russel sulod sa hataas nga panahon.

Bisan og no. 2 lang si Magsayo sa WBC featherweight contenders apan nimando gihapon ang WBC kang Russel nga modepensa sa iyang titulo batok sa gitawag og Magnifico.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph