Panaghiusa party mosuporta ni Isko Moreno

WALA pay opisyal nga giendurso ang kowalisyon sa administrasyon sa dakbayan sa Sugbo, ang Panaghiusa Party, Barug-PDP-Laban ug Kusog Party, alang sa pagka presidente sa nasod.

Apan ang presidente sa Barug nga si Atty. Jose Daluz III niingon nga ilang paluyohan si Manila Mayor Francisco ‘Isko Moreno’ Domagoso, kinsa usa sa mga presidential aspirant, kinsa nibisita dinhi sa Sugbo niadtong Dominggo, Disyembre 5.

Hinuon, ang kowalisyon naghiusa sa suportahan sa pagka bise presidente nga si Davao City Sara Duterte-Carpio.

Kini ang gitug-an ni Mayor Michael Rama kinsa magpapili usab pagka mayor sa dakbayan apan wala pa masuta kon si kinsa ang ilang suportahan sa pagka presidente sanglit mag-agad sila sa ituboy ni Presidente Rodrigo Duterte.

“Ang nakanindot kay pareha rami si Inday Sara ug maghuwat lang gihapon ko sa direction ni President Digong Duterte jointly with Senator Bong Go,” reaksyon ni Rama.

Sa iyang bahin, si Rama wala na nikomentaryo kabahin sa umaabot nga paglingkod ni kanhi City Administrator Floro Casas Jr., isip chairman sa Panaghiusa Party hulip sa nitaliwan nga si Mayor Edgardo Labella.

Si Casas maoy sinaligan ni Labella sukad siya na mayor sa 2019 human gipilde si kanhi Mayor Tomas Osmeña.

Niluwat siya sa pagka city administrator isip co-terminous ni Labella kinsa wala makatapos sa iyang unang termino human namatay niadtong Nobiyembre 19 gumikan sa pneumonia.

Si Rama niasumir isip mayor ug pipila sa mga department head ang gihulipan lakip ni Casas

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph