Nietes dili sayon lupigon: analyst

HUGOT ang pagtuo sa beteranong Filipino boxing analyst nga si Ed Tolentino nga modaog ang kababayang si Donnie “Ahas” Nietes sa title eliminator nga tahas niini batok kang Norbelto Jimenez karong Disyembre 11, 2021 sa Coca-Cola Stadium sa Dubai.

Nag-edad na man tuod og 39 si Nietes apan sa tan-aw, wala’y dag-anan si Jimenez kon abilidad ang hisgutan.

“The way I see it, Jimenez lacks the style [to beat Nietes]. He does not throw many punches, slow, and sometimes his guard is down. I think he lacks what it takes,” asoy ni Tolentino nga napatik sa www.gmanews.tv.

Mas mubo man sab tuod si Nietes apan alang kang Tolentino, dili kini makaapekto sa away sa lumad nga taga Murcia, Negros Occidental.

“Nietes likes it more if he has a tall opponent because he can precisely land his right straight and I think [Jimenez] will be a sucker for that,” dugang ni Tolentino.

Si Nietes, kinsa usa ka four-division world champion ug maoy Filipino longest world champion, naggunit og 43-1-5, 23KOs nga rekord samtang ang 30 anyos nga Domican niyang kontra adunay 30-9-5, 16KOs nga baraha.

Sa pagtuo ni Tolentino, mapilde lang si Nietes ning awaya kon moepekto na ang pangidaron niini hilabi na kon molanat og dugay ang away.

“Nietes will feint and Jimenez will react to those and catch him with a right straight as long as his 39 years of age does not manifest,” dugang ni Tolentino.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph