Natawo si Kian Psalm Alvarico nga kuwang og bulan.
Walo ka buwan pa lang siya diha sa sabakan sa iyahang inahan nga si Mary Ann Gizel Alvarico, dihang siya nahimugso.
Human siya matawo, gibutang siya sa neonatal intensive care unit alang sa dugang pag-atiman sa ospital.
Matod ni Jet Garigade, apohan nga lalake ni Kian, ilang giampo sa kahitas-an ug gihalad sa Ginuo ang bata.
“Gi-dedicate na siya namo sa Ginuo kay critical man na siya paggawas niya,” dugang ni Jet.
Ang bata ginganlan nila og Kian Psalm. Ang Psalm nagpahinumdom nila sa ilang pagsangpit sa kahitas-an alang sa kaluwasan ug maayong kahimtang sa bata.
Niadtong Nobiyembre 29, gisaulog ni Kian Psalm ang iyang ikalimang adlaw nga natawhan sa ilang panimay sa siyudad sa Sugbo.
Roblox ang tema sa kasaulogan sa iyang birthday.
Sigon ni Jet hilig moduwa og Roblox si Kian. Pinaagi sa kanunay nga pagtan-aw og video games, nakat-onan ni Kian ang maayo nga paglitok sa pinulungang English.
Ang bata naimpluwensiyahan sa iyang mga ig-agaw nga mga maguwang pa niya.