College varsity player gitugtan na mag-training

GITUGTAN na sa Commission on Higher Education (CHED) kagahapon, Disyembre 13, 2021, ang collegiate varsity teams nga makabalik sa in-person training isip usa ka lakang alang sa pagpangandam sa posibleng pagbalik sa mga kompetisyon sa sunod tuig.

Si CHED chairman Popoy de Vera mipirma sa memorandum sa pagbalik sa training sa collegiate teams kauban si Health Secretary Francisco Duque III ug mga opisyal sa University Association Association of the Philippines (UAAP) ug National Collegiate Athletic Association (NCAA).

Ang duha ka mga organisasyon parehong nagplano nga ibalik ang ilang kompetisyon karong Marso, 2022 human kini nahunong tungod sa pagkuyanap sa coronavirus.

“UAAP and NCAA schools have been allowed to conduct collegiate athletic training,” batbat ni De Vera nga napatik sa www.abs-cbnnews.com.

Ang fully-vaccinated student-athletes lang ang tugotan nga makabalik sa training, pagtino ni De Vera.