NAGTUTOK og maayo sa depensa si Filipino knockout puncher Reymart Gaballo ug mao kini ang hinungdan nga nasugamak siya sa 4th round knockout nga kapildihan batok kang World Boxing Council (WBC) bantamweight champion Nonito “Filipino Flash” Donaire niadtong Disyembre 12, 2021 (RP time) sa Carson, California. Mao kini ang obserbasyon sa bantugan ug beteranong Filipino boxing analyst nga si Atty. Ed Tolentino. Matod ni Tolentino, tungod kay nagtutok si Gaballo sa depensa, hayan wala niya nabuhian ang iyang makusog nga mga kumo diin siya naila. “Gaballo was focused so much on defense it tempered his offense, but you cannot have it both ways against Donaire. You cannot throw away defense and go all offense when you’re fighting him it has to be 50-50-, half defense and half offense,” asoy ni Donaire sa interbyu sa www.gmanews.tv. Sa tan-aw ni Tolentino, nagduhaduha si Gaballo kon kanus-a niya buhian ang iyang pang-knockout nga mga kumo gumikan kay kanunay siyang maunhan ni Donaire. “The problem Gaballo had was he doubted if he should throw because Donaire will get to him first,” pasabot ni Tolentino. “He had to overthink because there were so many factors in his mind. Is he going to throw and risk it then add that the right hand has started landing too.” Usa ka liver punch ni Donaire ang nagpaluhod ug nag-knockout kang Gaballo, kinsa tataw nga lupig sa kasinatian kon itandi sa 39 anyos nga lumad nga taga Bohol.