Usa ka ulitawo nga naglanguylangoy sa Lusno Falls sa Barangay Anajao, lungsod sa Argao gipusil niadtong Lunes, Disyembre 13, alas 2:00 sa hapon.
Si Nathaniel Rivillas, 24, ulitawo, taga Barangay Poblacion, Argao, nakaangkog samad pinusilan sa tiyan ug daling gidala sa tambalanan.
Ang suspek sa pagpamusisl mao si Helbert Alboronto, hingkod, nagpuyo sa Brgy. Anajao, Argao, kinsa misibat human sa hitabo.
Si Police Major Rodgen Fudotan, hepe sa Argao Police Station nga nahinabi sa Superbalita Cebu, nagkanayon nga ang biktima uban sa iyang mga higala nangaligo sa falls.
Giingong gisuyaan sa suspek ang biktima hinungdan nga gikalitan sa pagpusil ni Alboronto, gikatahong naila nga maldito sa ilang dapit.
Nangutana pa kini kang Rivillas ug mga kauban nga pwede na ba makaligoan ang falls ug kalit lang namusil sa walay igong rason.