TRAYNTA ka mga barangay sa Sakbayan sa Davao nakatala og pinakadako nga persentahe sa "fully vaccinated" nga konstituwente batok sa Covid-19.
Sa Facebook post, gibutyag sa lokal nga panggamhanan sa Davao City ang nangunang 30 ka mga barangay nga nakakab-ot sa "highest percentage" sa fully vaccinated nga indibiduwal sukad Disyembre 3. Ang datus nagagikan sa Davao City Vaccination Cluster.
Nanguna sa listahan mao ang Barangay 3-A sa Poblacion District sa unang distrito nga dunay 235 porsiyento, gisundan sa Agdao Poblacion sa ikaduhang distrito nga 208 porsiyento, unay ang Ilang sa Bunawan District sa segundo distrito nga dunay 182 porsiyento.
Lakip nga naa sa listahan mao ang 13-B (150 porsiyento), 11-B (133 porsiyento), Wilfredo Aquino (130 porsiyento), 17-B (116 porsiyento), Mulig (116 porsiyento), 12-B (112 porsiyento), 33-D (106 porsiyento), Matina Crossing (104 porsiyento), 18-B (101 porsiyento), 34-D (100 porsiyento), 7-A (99 porsiyento), ug Mintal (97 porsiyento).
Misunod mao ang 35-D (96 porsiyento); 9-A (93 porsiyento); 38-D ug 14-B (92 porsiyento); 16-B (91 porsiyento); 32-D (90 porsiyento); 20-B (89 porsiyento); Acacia, ug Talomo River (88 porsiyento); Indangan (87 porsiyento), 27-C, Calinan, ug Alfonso Angliongto (86 porsiyento); ug Toril, ug Tacunan (83 porsiyento).
Bahin usab sa pagkalaray matag distrito, ang unang distrito maoy dunay pinakataas nga persentahe sa fully vaccinated nga indibiduwal nga dunay 64 porsiyento o kinatibuk-ang 276,472 fully vaccinated, gisundan sa ikaduhang distrito nga 59 porsiyento o 254,100 fully vaccinated, ug ikatulong distrito nga 53 porsiyento o 172,863 nga fully vaccinated.
Apan ang distrito sa Paquibato, usa ka hilit nga distrito sa dakbayan, nakakuha sa pinakaubos nga rekord sa mga fully vaccinated nga indibiduwal nga 8,686 o 27 porsiyento.
Giklaro ni Covid-19 Task Force Spokesperson Dr. Michelle Schlosser sa paghinabi kaniya sa 87.5 FM Davao City Disaster Radio Miyerkules nga ang datus gipagawas aron nga madeterminar ang mga lugar kon diin ang vaccination team magtutok sa ilang information drive ug pagpamakuna.