Overseas Filipino workers (OFW) ug returning overseas Filipinos (ROF) nga dili Cebuano did-an sa pagsulod sa Cebu Province sulod sa 12 ka adlaw hangtod sa Enero 3, 2022.
Ang pagdili nalatid sa Executive Order (EO) 49 nga giluwatan ni Gobernador Gwendolyn Garcia Lunes, Disyembre 20, 2021, subay sa blackout ug kanihit sa gasolina ug tubig nga mipatigbabaw sa Sugbo human ang Bagyong Odette (Rai) nitumba sa mga poste sa kuryente niadtong Disyembre 16, ingon man ang nagsingabot nga pagsira sa pipila ka mga quarantine hotels aron ayohon ang kadaot sa bagyo.
“Epektibo Disyembre 23, 2021 hangtod Enero 3, 2022, ang mga Cebuano OFWs o ROFs lang ang tugutang makasulod sa Cebu,” ang EO nagkanayon.
Sa check-in, ang mga Cebuano OFWs kinahanglang magpakita og valid identification card ug declaration form nga nagpakita sa ilang address sa balay sa Cebu, samtang ang Cebuano ROFs kinahanglang magpakita og “proof of their pre-booking sa accredited hotel in Cebu for, utmost, two days,” matod sa EO.
Ang EO 49 nagdili usab sa mga tawo nga “naggikan sa langyaw nga nasod” sa pagsulod sa Probinsiya sa Sugbo karong Disyembre 21 ug Disyembre 22, 2021.
Sa pagtumbok sa kanihit sa gasolina ug uban pang mga kahinguhaan, ang gobernador niingon nga ang mga hotel dili na makadawat sa “substantial number of OFWs and ROFs arriving in Cebu on a daily basis” tungod kay ang mga lokal namuyo usab sa mga hotel taliwala sa mga problema sa suplay sa kuryente ug tubig tungod sa Odette.
Ang mga lumolupyo, mga establisemento sa negosyo ug mga importanteng institusyon migamit og fuel-powered generating sets aron sa pagpaandar sa ilang mga opisina, balay ug mga operasyon, paghimo og taas nga linya sa mga gasolinahan, human sa 175 kilometros matag oras nga hangin ug paghuros ni Odette nga moabot sa 240 kph nga nakapalong sa kuryente sa Cebu.
Ang mga hotel sa Sugbo magpapuyo na lang sa nangabot nga mga Sugbuanong OFW ug ROF gikan sa Disyembre 23 hangtod sa Enero 3 sunod tuig.
“Arriving OFWs and ROFs who are not residents from Cebu should land at Manila Aiport and Clark Airport,” matod sa Sugbo News, ang opisyal nga plataporma sa balita sa Kagamhanan sa Probinsiya sa Sugbo.