Search, rescue operation sa 12 ka tripolante sa barko nagpadayon

Nagpadayon pa ang search and rescue operation sa mga sakop sa Key West Shipping Lines Corp. ngadto sa ilang 12 ka mga crew sa tugboat nga missing atol sa pag-igo sa bagyong Odette sa Sugbo niadtong Disyembre 16, Huwebes sa gabii.

Ang 12 ka mga crew sakay sa m/v Strong Trinity nga nangita unta og kapasilongan sa kadagatan habig sa dakbayan sa Talisay apan tungod sa kakusog sa hangin dala ni Odette, gikuso-kuso og maayo na-missing ang tugboat lakip na ang mga crew nga sakay niini.

Ang mga missing mao sila si Captain Reynaldo Cuyos, Cheft Mate Marhoda Leah Amora, Second Mate Krissan Dawn Labata, AB Seaman Richard Michael Baco, AB Seaman Mark Anthony Marundan, Chief Engineer Abraham Dalumpines, Third Engineer Fritz Gerald Torres, Oilers nga sila si Gifter De Pedro, Clyde Diaz, James Carlo Into ug welder nga si Manuelito Oliveros.

Sa statement sa Key West Shipping Lines Corp. nga gipadala sa mga pamilya sa missing nga crews, sila nipahibalo nga human nadawat ang impormasyon kalabot na sa pagka wala sa ilang barko ug mga crew, ila dayon kining gipangita.

Sila naningkamot og maayo aron makit-an ang barko ug mga tripolante.

Ang maong kompaniya naninguha nga maluwas ang mga nanga missing ug maka uli sa ilang tagsatagsa ka pamilya.

Samtang si Arnel Murga, ig-agaw ni Gifter De Pedro, usa sa mga crew nga na missing nga sakay sa maong tugboat, nipahibawo sa Superbalita Cebu nga hangtod ning pagsuwat, nagpaabot pa sila sa kompanya nga gitrabahoan sa iyang ig-agaw kay kay wala pay update sa pagpangita sa mga missing.

“We dont have any update yet. We are still waiting. We were informed the search and rescue operation still going on,” butyag ni Murga sa Superbalita Cebu.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph