6 nangamatay sa Dumanjug sa Odette

GUSBAT: Makita ang mga parte sa mga estrukturang gama sa kahoy nga nagkatag samtang nagbarog sa background ang simbahan. / gikan sa LGU Dumanjug FB page
GUSBAT: Makita ang mga parte sa mga estrukturang gama sa kahoy nga nagkatag samtang nagbarog sa background ang simbahan. / gikan sa LGU Dumanjug FB page

Unom ka mga tawo ang gikataho nga nangamatay sa habagatang-kasadpang lungsod sa Dumanjug sa Sugbo tungod sa pagkusokuso sa bagyong Odette (Rai) niadtong Disyembre 16.

Ang public information office (PIO) sa lungsod niingon nga upat sa unom nga nangamatay sugod alas 5 sa hapon sa Disyembre 18, 2021, naigo sa mga nangatumpag nga balay.

Kini mao sila si Silvestra Famor, 77 (Brgy. Masa); Kevin Torres, 12, (Brgy. Masa); Dioscoro Opsal, 68 (Brgy. Doldol); ug Natividad Omerez, 87, (Brgy. Kambanog).

Ang ubang mga biktima mao sila si Angel Patiluna, 12 (Brgy. Calaboon) - naigo sa kahoy; ug Miguel Zapanta, 80 (Brgy. Cotcoton) kinsa na-cardiac arrest.

Gipaambit usab sa PIO ang mga hulagway sa pagkaguba sa imprastraktura sa lungsod sa Facebook page niini niadtong Disyembre 22.

Giputol ni Odette ang mga linya sa kuryente hinungdan sa tibuok probinsya nga blackout ug problema sa komunikasyon.

Niadtong Disyembre 22, ang Cebu Electric Cooperative (Cebeco) 1 niingon nga kadaghanan sa 18 ka mga local government unit nga nasakop niini sa habagatang Sugbo gibunalan ni Odette.

Matod niini, nga nabalik ra ang kuryente sa mga bahin sa lungsod sa Ginatilan ug Samboan ilabi na sa highway ug gitumong niini nga ma-energize ang highway gikan sa Boljoon paingon sa Oslob sa samang adlaw.

Wala gitumbok sa Cebeco 1 kon kanus-a mabalik ang kuryente sa Dumanjug.

Apan, ang National Grid Corp. of the Philippines (NGCP) mitaho niadtong Sabado, Disyembre 25, nga ilang gi-restore ang mga feeder nga nagkonektar sa mga kustomer sa Cebeco I niadtong Disyembre 24.

Ang NGCP maoy nagpalihok sa nasudnong mga pasilidad sa pagpasa sa kuryente.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph