Wa pa gani mahuman ang giantos nga kalisod gumikan sa epekto sa bagyong Odette, laing katalagman na usab ang nasinati sa mga taga Brgy.Mantoyong, Dakbayan sa Mandaue.
Niulbo ang dakong sunog sa Martin Echivarri St. mga alas 3 pasado sa hapon sa Biyernes, Disyembre 24, 2021.
Ang alarma nadawat sa Mandaue City Fire Office mga alas 3:13 sa hapon.
Ilang nakontrolar ang sunog mga alas 4:10 sa hapon ug hingpit nga napawong mga alas 5:20 o mga duha ka oras sukad sa pag-ulbo.
Ang dapit residential area.
Matod sa MCFO, ang sunog nagsugod sa balay sa usa ka Annabelle Siarot.
Niugdaw kini og 35 ka mga balay ug nagbilin og danyos nga P525,000. Niangol kini sa usa ka Richard Ocon, 32.
Nagpadayon pa ang imbestigasyon sa hinungdan sa sunog.
Ang Mandaue City usa sa mga dapit sa Sugbo nga apektado kaayo sa bagyong Odette nga niigo niadtong Disyembre 16.