Di na magamit og lain nga player sa Purefoods franchise ang jersey numbers ni Mark Pingris ug PJ Simon human giretiro kini sa adlaw mismo sa Pasko, Disyembre 25, 2021.
Ang jersey retirement sa No. 15 ni Pingris ug No. 8 ni Simon nahitabo atol sa halftime sa duwa sa Magnolia Hotshots Pambansang Manok batok Barangay Ginebra Kings sa PBA Governors Cup atubangan sa 4,843 fans sa Smart Araneta Coliseum.
Ang mihatag sa framed jerseys ni Pingris ug Simon mao sila Commissioner Willie Marcial, Magnolia team governor Rene Pardo, San Miguel Corporation (SMC) sports director Alfrancis Chua ug Barangay Ginebra coach Time Cone.
Si Cone mao ang coach ni Simon ug Pingris sa ilang panahon sa Purefoods franchise.