MOABOT sa 127 ka indibidwal ang nahatagan og flu vaccine nga naglangkob sa 31 ka mga pulis ug 96 ka dependents sa Talisay Police Station.
Ang pagpamukana sa flu gihimo sa Huwebes, Disyembre 30,2021 sa Talisay City Police Station nga gipasiugdahan sa Regional Health Services (RHS)-7.
Matod sa pangu sa RHS-7, Police Lieutenant Colonel Jose Sales Jr., nga ang kapulisan sa dakbayan sa Talisay ug dependents naka-schedule kagahapon.
Dugang ni Sales nga importante usab nga mabakunahan og flu ang usa ka tawo ilabi kanilang mga pulis kay kanunay nga ana-a sa gawas ug si bisan kinsa ang mahimamat.
Importante nga mabakunahan kay aron malig-on ang imumne system ug malikay sa flu.
“Every year po kasi ito depende dun sa availability ng ating vaccines, we are lucky to have the numbers of flu vaccines this year,” matod ni Sales.