Ang Pilipinas giklasipikar na karon nga “high risk” alang sa coronavirus disease 2019 (Covid-19), diin ang Department of Health (DOH) nakatala og positibo nga duha ka semana nga growth rate, usa ka opisyal niingon sa Lunes, Enero 3, 2021.
Sa usa ka media forum, si Health Undersecretary Maria Rosario Vergeire miingon nga sa Enero 2, 2022, ang epidemic curves nagpakita nga ang kasagaran nga adlaw-adlaw nga mga kaso mikunhod sukad sa Septiyembre, apan karon, kasagaran nga inadlaw nga mga kaso misulbong pag-ayo ngadto sa 570 porsyento karong mga semanaha (Disyembre 20- Enero 2), pito ka pilo nga mas taas kay sa sa miaging mga semana.
Dugang pa niya nga ang dagkong grupo sa mga isla sa nasud nagsugod na usab sa pagpakita sa mga timailhan sa pagtaas sa mga kaso, samtang ang National Capital Region (NCR), nga gibutang sa ilawom sa Alert Level 3 gikan sa Enero 3 hangtod 15, 2022, nagpakita sa usa ka “hait nga pagsaka ” sa mga kaso sa ulahi nga mga semana.
“There was a positive two-week growth rate at 222 percent and moderate risk average daily attack rate of 1.07 cases for every 100,000 individuals in the recent weeks,” matod niya.
Dugang pa ni Vergeire nga ang mga kaso sa bag-ohay nga usa ka semana nagpakita usab sa positibo nga pagtaas.
Siya miingon, bisan pa, ang kapasidad sa nasudnong sistema sa kahimsog nagpabilin nga ubos ang risgo, nga adunay kinatibuk-ang paggamit sa beds naa sa 18 porsyento ug paggamit sa intensive care unit (ICU) sa 22 porsyento.
Sa NCR, siya miingon nga samtang ang usa ka semana ug duha ka semana nga growth rate gikonsiderar nga “high risk,” ang health system capacity nagpabilin nga ubos sa 50 percent utilization.
Gawas sa NCR, lima ka laing rehiyon -- Calabarzon, Central Luzon, Zamboanga Peninsula, Northern Mindanao ug Davao Region -- nagpakita usab og positibo nga usa ka semana ug duha ka semana nga growth rate.
“These regions are low to moderate risk case classification. The rest of the regions show positive increase in cases only in the recent one week,” matod ni Vergeire.
Dugang pa niya nga ang rate sa healthcare utilization sa tanan nga mga rehiyon nagpabilin nga ubos sa risgo.
“As of January 1, the national healthcare utilization remains to be at low risk at 18 percent. This is two percent higher than the reported utilization rate last December 25 or one week prior, which was at 16 percent,” dugang ni Vergeire.
Mahitungod sa gidaghanon sa mga tawo nga nagpositibos sa testing alang sa virus, si Vergeire miingon nga ang pagtaas sa mga kaso, ingon man ang positibo nga rate, nakita sa tanan nga mga rehiyon.
Ang pinakadako nga pag-usbaw alang sa NCR, diin ang mga numero milukso gikan sa 932 ngadto sa 13,756 sa ulahing semana, siya miingon.
Samtang, ang Calabarzon, adunay 2,792 ka mga indibidwal nga nag-positibo gikan sa 290 ra sa miaging semana.
Ang mga admission sa ospital misaka usab sa siyam ka porsyento, samtang ang gigahin nga mga higdaanan mikunhod sa duha ka porsyento o 883 ka beds.
Sa NCR, samtang ang kinatibuk-ang paggamit sa beds nagpabilin nga ubos sa risgo sa 24 porsyento, ang admissions nakita nga nagkadaghan sa bag-ohay nga semana.
“Over the course of one week, the NCR saw a 49 percent increase in admissions accompanied by a one percent or 86 bed increase in allocated beds,” matod ni Vergeire.
Ang DOH padayon nga nagpahinumdom sa publiko nga sundon ang minimum nga public health standards aron malikayan ang pagdaghan sa mga kaso sa Covid-19.