Ang Department of Health (DOH) mi-apelar sa publiko kaniadtong Dominggo, Enero 2, 2022, nga molihok dayon kon makasinati og mga sintomas sa coronavirus disease 2019 (Covid-19) taliwala sa pagdaghan sa mga kaso partikular sa Metro Manila.
“We call on everyone to be agents of compassion, not agents of transmission. Let us act with utmost concern for our health workers, for kids and sick people, and for the people around us,” matod sa DOH sa usa ka pamahayag.
Ang pag-apelar sa departamento sa panglawas nahitabo taliwa sa pagbutang sa Metro Manila ilawom sa Alert Level 3 gikan Enero 3 hangtod 15, 2022 tungod sa pagsaka sa gidaghanon sa mga kaso sa Covid-19 sa rehiyon.
Kini nag-ingon nga samtang ang Omicron nga variant sa Sars-CoV-2 momugna lang og mild nga mga simtomas sa mga nabakunahan, ang mga tawo nga adunay mild nga mga simtomas dali nga makapanakod kon ang mga minimum nga health protocol sa publiko dili sundon kanunay.
“Healthcare workers with breakthrough infections will still need to undergo full 10-day isolation even if symptoms are mild -- that means our hospitals are at risk of being understaffed again,” matod sa DOH.
Gitambagan dayon niini ang mga na-expose sa virus nga ma-test ang ilang kaugalingon gamit ang “tama nga pagsulay sa husto nga oras.”
“Antigen tests help you determine the need to isolation but it has limitations. It is most accurate when used by anyone experiencing symptoms,” kini miingon.
Kon maghulat sa resulta sa testing, o kon makumpirmar nga positibo, ang DOH miingon nga ang mga pasyente kinahanglan nga i-isolate dayon.