‘Baby Jesus’ sa Belen gisikwat?

Hulagway gikan sa Facebook post ni Romulo Narte Peralta nga ang piktyur iya sa Sacred Heart of Jesus Parish-Calinan, Davao City
Hulagway gikan sa Facebook post ni Romulo Narte Peralta nga ang piktyur iya sa Sacred Heart of Jesus Parish-Calinan, Davao City

NAG-VIRAL sa social media ug miani og daghang reaksiyon ang pagkawala sa rebulto ni “Baby Jesus” nga gibutang sa pasungan sa Belen sa usa sa mga simbahan sa Calinan sa Davao City.

Sa Facebook post ni Romulo Narte Peralta, iyang gibutyag nga nawala ang Batang Hesus nga gibutang sa Belen sa Sacred Heart of Jesus Parish.

Miani og daghang shares, komento ug reaksiyon labi na sa mga debuto ang pagkawala sa replica sa Batang Hesus.

Sumala sa kapsiyon ni Peralta sa hulagway sa Belen nga wala na ang "Baby Jesus" ug nanawagan kini nga iuli ang rebulto, ug kung maulaw man sa pag-uli, mamahimo na lang kining ibilin sa guardhouse sa Calinan National High School.

"Alang sa tanang parokyana sa The Most Sacred Heart of Jesus-Calinan Parish... Kung kinsa may nakadala sa Baby Jesus palihug kog balik sa pasungan. Maluoy mo. Pero kung maulaw namo mobalik kay basig makita mo, pwede ra pud ninyo ibilin sa guardhouse sa Calinan NHS. Pero kung wala na gyud kay plano i-uli, ibutang nalang sa imong altar, ayaw lang gyud yaga-yagai. Ampingi intawon. Ayaw pud sya gamita sa dinautan nga tuyo. Unta sa imong pagdala Niya, motubo ug molambo imong pagtoo... Salamat," sa kapsiyon ni Peralta.

Sukad sa pagsuwat ning balita Myerkules, Enero 5, naningkamot ang Superbalita Davao sa pagkonek kang Peralta pinaagi sa Messenger aron sayron ang ulahing hitabo o kung nabalik na ba ang rebulto sa Batang Hesus nga gituohang gidala sa wa pa mailhing tawo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph