Ubay-ubay nga mga kasamtangan ug kanhi national track and field atheletes ug coaches ang ningpirma og managlahing mga manipesto aron ipadayag ang ilang pagsuporta kang Philippine Athletics Track and Field Association president Philip Ella Juico kabahin sa panagbangi sa PATAFA ug Filipino pole vault Olympian Ernest John Obiena.
Moabot sa 26 ka mga atleta ug 11 ka coaches ang midapig kang Juico ug sa PATAFA board kalabot ning maong kontrobersya nga naglambigit kang Obiena, kinsa gipasanginlan nga miwaldas sa suweldo sa Ukrainian coach niini nga si Vitaly Petrov.
“Maraming nangyari, maraming sinabi. Pinili naming manahimik. Ngunit sa aming pananahimik tila mas sumikat ang kasinungalingan kaysa katotohanan. Kaya ngayon, magsalita na kaming atleta ng bayan,” tipik sa manipesto nga gipirmahan sa gitumbok nga mga atleta nga napatik sa www.abs-cbnnews.com.
Gipasabot sa mga atleta nga makatarunganon lang ang gibuhat ni Juico sa pag-liquidate sa mga pundo nga gipanghatag sa PATAFA ngadto sa mga atleta.
Nagsugod kining maong kontrobersya dihang nasuta ni Juico nga wala magamit sa insakto ni Obiena ang gipagawas nga pundo sa PATAFA ug Philippine Sports Commission (PSC) nga 61,026.80 Euros o mga P3,661,60 nga alang unta sa suweldo ni Petrov.
“Hindi kailanman naging dahilan at ginawang dahilan ang liquidation upang mabawasan ang aming galing bilang mga atleta. Ang dapat lang namin gawin ay mag-liquidate ng mabuti,” dugang manipesto sa mga atleta.
“Sinusuportahan namin ang transparency ng PATAFA sa pamumuno ni Chairman Rufus Rodriguez, President Popoy Juico at ng buong Board of Trustees. Sinusuportahan namin ang imbestigasyon kung paano ginamit ang pera dahil responsibilidad nating alagaan ang buwis ng bawat Pilipino.”
Ning bag-uhay lang, gitaktak sa PATAFA si Obiena isip sakop sa national team ug plano sa ahensya nga pasakaan og kasong estafa ang numero unong pole vaulter sa Pilipinas.
Obiena andam moatubang sa kaso
Sa iyang bahin, nagkanayon si Obiena nga andam niyang atubangon ang bisan unsa nga kaso nga ipasaka sa PATAFA batok kaniya.
Sa iyang Facebook post, gipahungaw sa 26 anyos nga si Obiena nga andam siyang limpyuhon ang iyang pangalan batok sa mga pasangil sa PATAFA.
“I am saddened by the decision of the PATAFA committee and their recommendations but I am not really surprised. I am relieved that I now finally know what I am being charged with. From the very start, the PATAFA proceeding had the look and feel of a witch hunt,” pamahayag ni Obiena nga napatik sa www.gmanews.tv.
“On the recommendation of filing of estafa cases, I am ready to face all cases and charges filed against me in any court or forum. I am hopeful that I will have my fair day in court and that I can finally end this baseless witch hunt.”
Si Obiena suportado sa Philippine Olympic Committee (POC) kabahin ning maong isyu.