Lalakeng armado nga gialarma sa mga taga sityo Riverside, Brgy. Duljo Fatima, Dakbayan sa Sugbo napusilan sa mga pulis atol sa pinusilay sa alas 2 sa hapon sa Martes, Enero 4.
Mga operatiba sa City Intelligence Unit (CIU) sa Cebu City Police Office (CCPO) mitino ra unta kon unsa ka tinuod ang ilang nadawat nga impormasyon sa pagpamaligya og drugas sa dapit.
Sa ilang gihimong pakisayod ubos sa pagtugot sa pangu sa City Intelligence Unit, usa ka Arnel Madrigal Trobia, 31, lumolupyo sa nahisgutang, nakasugat sa mga operatiba.
Giingong si Trobia nagduda nga mga pulis ang iyang gikasugat hinungdan nga mibunot kini og armas og namusil sa usa sa mga pulis.
Maayo nalang gani nga nakabantay hinungdan nga napusilan sa kauban nga pulis. Si Trobia naigo sa iyang sampot.
Ang mga pulis mao ra say nidala kang Trobia sa Cebu Clty Medical Center (CCMC). Padayon pa nga nagpaalim si Trobia sa iyang samad, apan nakapusas na.
Nasayran usab sa mga pulis nga ang nagngalan og Ani nga susihon unta sa mga pulis mao diay si Trobia.
Sa pagkuha sa mga ebidensiya sa crime scene sa mga personnel sa Scene of Crime Operations (SOCO), narekober ang upat ka medium pack sa gidudahang shabu nga motimbang sa 20 gramos ug mokantidad og P136,000 subay sa street drug price valueug usa ka armas.