DUGANG pabug-at na sab sa mga drayber ning semanahona human nga mitaas na sab ang presyo sa mga produktong petrolyo nga maoy pinakataas gikan sa mga nangaging bulan sa tuig 2021.
Bag-ong Tuig, bag-ong presyo, kini ang pagpangalot sa ulo sa drayber sa Route 10 sa Davao City nga si Ricardo Gallardo, 45-anyos, taga Talisay, Barangay Wilfredo Aquino, Agdao, Davao City human nga mipatong og tag sobra P1 ang presyo sa gasolina ug ubang nga petroleum products.
"Kaming mga drayber gyud ang numero unong maigo ini, gibalanse nako, ang usa ka letro maglisod nagbawi, matuyok man mi sa among rota pero kulangon, gutom labas sa among pamilya ani," mulo ni Ricardo.
Ang pundok sab sa Bayaning Tsuper Partylist gilayong mihangop sa mga mulo sa mga drayber ug mga operators.
"Hindi na kasya ang maibalik sa kani-kanilang mga pamilya, kukulangin na dahil ang kita ay napupunta sa pagtaas sa presyo ng gasolina, lalo pa itong masalimot sapagkat mas lalong tumataas din ang presyo ng mga pangunahing bilihin kung tataas ang presyo ng mga petroleum products," ingon ni Atty. Alex Abaton kinsa mao ang first nominee sa Bayaning Tsuper Partylist nga nahinabi sa mga tigbalita sa Davao City.
Ang Southeastern Mindanao Diversified Drivers and Operators Cooperative (Semddoc) pinaagi sa presidente nga si Maning Duran nakigsandurot sab sila sa mga grupo nga makatabang kanila diha sa mga remedyo nga maoy hulip sa pagmahal sa gasolina.
"Kita diri sa Davao City atong mga drayber ug bisan ang mga operator naglisod gyod kay wala-tuo ang pagtaas sa presyo sa gasolina, remedy unta ba, o bisan buhatan nga kadaganan dayon sa mga drayber labi na og makulang sila sa ilang boundary ug sa pamugas sa pamilya," tipik sa pakighinabi kang Duran sa mga tigbalita.
Gipaminaw sa partylist ang mga mulo sa mga drivers, conductors ug mga operators aron sa ingon ila kining mahatagan og kasulbaran sa umaabot nga mga adlaw didto sa hawanan sa Kongreso.
"Papasada tayo at isulong ang para sa atin para mabubuhay natin ang ating mga pamilya," ingon ni Atty. Abaton atol sa pakighinabi sa mga tigbalita sa Davao City kinsa midugang nga mohimo sila og mga lakang agi'g tubag sa mga mulo.
Ang presyo sa diesel nagdula diha sa presyo sa pagtaas P0.55 ngadto na sa P0.60 matag litro, samtang ang presyo sa gasolina mitaas sa P0.50 ngadto na sa P0.60 matag litro.
Hinuon, dunay mga pag-usab sa presyo sa mosunod sab nga mga adlaw.