USA ka taas nga opisyal sa New People's Army (NPA) sa Communist Party of the Philippines, kinsa dunay patong sa ulo nga P5.6 milyon, napatay sa nahitabong engkuwentro batok sa tropa sa kagamhanan didto sa Davao de Oro niadtong Miyerkules sa gabii, Enero 5, 2022.

Sa suwat pahayag, si Menandro Villanueva alyas Bok neyutralisa sa nahitabong pinusilay batok sa tropa sa 1001st Infantry Brigade didto sa Barangay Libudon sa Mabini.

Gikanayon sa 1001st Infantry nga nagpakabana nga molupyo nagtaho sa presensiya sa grupo nga nagpayagaw sa kalinaw sa nahisgutang lugar.

Matud pa nga daling gipakatap ang mga sundalo aron nga susihon ang taho nga miresulta sa engkuwentro batok sa Regional Headquarters, Southern Mindanao Regional Committee kon diin nasiplatan si Villanueva.

Ang taas nga lider sa NPA gitaho nga naigo sa nagkadaiyang bahin sa lawas hinungdan sa hinanali niyang kamatayon.

Dugang gikanayon sa 1001st Infantry nga mga tropa sa kagamhanan naglusad pa og paglutos sa mga nakasibat nga grupo sa komunista.

Gidayeg ni Brigadier General Jesus P Durante III ang aksiyon nga gihimo sa tropa.

Sumala pa nga si Villanueva mao usa sa miyembrong nagtukod sa NPA sa Mindanao niadtong 1970s uban ni Edgar Jopson.

"During his student years in Ateneo de Manila, he was an activist under the Kabataang Makabayan (KM) and went underground when Martial Law was declared. Alias BOK supervised the operations of the CPP/NPA in the whole of Mindanao and directly controlled the operations of the New People’s Army (NPA) as head of the National Operations Command of the NPA," pagklaro sa 1001st Infantry.

"The 51 years reign of terror of Menandro Villanueva is finally over. His victims were finally given justice. Alias Bok has several warrants of arrests to include multiple murder, double frustrated murder, arson, robbery with intimidation, rebellion, among others," matud ni Durante.

Subli siyang nanawagan ngadto sa mga misibat nga NPA, "surrender now while you still can. Don't wait to suffer the same fate as Menandro Villanueva. The government is always willing to accept you if you decide to return to the folds of the law."

Gidayeg sab ni Major General Ernesto C Torres, Jr., commander sa 10ID, ang tanang tropa sa Agila sa 1001st Infantry Brigade tungod sa ilang talagsaong nahimo sa paglutos sa mga taas nga lider sa SMRC ug KOMMID.

Kahinumdoman nga ang tropa sa 1001st Brigade mao sab ang na-engkuwentro sa samang grupo niadtong Disyemre 24, 2021 nga miresulta sa kamatayon ni Anna Sandra Reyes alyas Kaye, ang secretary sa Regional White Area Committee (RWAC), SMRC.

Ang kamatayon sa duha ka taas nga lider sa Central Committee sa CPP/NPA dakong dagok alang kanila.

Padayon pa ang 10ID nga naglutos sa mga nailang mga taas nga lider sa kalihukan sama nila ni Eric Casilao alyas Wally/Elian, ug ang iyang asawa sa partido nga si May Casilao alyas GAB, pulos mga taas nga miyembro sa SMRC.