Lalake gipusil, namatay

Usa ka 56 anyos nga lalake gipusil-patay sa nagpakaaron-ingnong kustomer sa Sityo Cansusi sa Barangay Tapon sa bukirang dapit sa lungsod sa Dalaguete.

Si Police Senior Master Sergeant Arnold Renal, desk officer sa Dalaguete Police Station, miila sa biktima nga si Felix Mata, 56, kasamtangan nga nagpuyo sa nahisgutang lugar.

Matod ni Renal nga subay sa ilanng pag-imbestigar nga alas 10:30 sa Miyerkules sa gabii, Enero 6, 2022, samtang paingon na matulog si Mata ug kapuyo niining si Rofelia sulod sa ilang tindahan nga gihimo na usab nga balay, usa ka lalake ang nipalit og sigarilyo.

Tungod kay sirado naman ang tindahan, si Rofelia maoy niabli kay natulog naman si Mata.

Dugang Renal nga pag-abli ni Rofelia, kalit nga misulod ang wa mailhing gunmnan, nipusil kang Mata makausa. Si Mata samdan sa likod sa lawas.