NAKAHUKOM ang lokal nga panggamhanan ug ang mga tigpasiugda sa kapistahan sa Sto. Niño sa Holy Infant Jesus of Prague chapel sa Shrine Hills, Matina, Dakbayan sa Davao nga ikanselar ang mga kalihukan sa Enero 15 ug 16, 2021, tungod sa hulga sa laing pagsulbong sa mga kaso sa Covid-19 sa siyudad.

Gikompirma mismo ni Public Safety and Security Command Center (PSSCC) head Angel Sumagaysay kini ngadto sa SunStar Davao sa usa ka text message Biyernes, Enero 7.

Sigon ni Sumagaysay nga ang mga tigpasiugda namati sa apela sa lokal nga panggamhanan nga lat-angan una karong tuiga ang tinuig nga relihiyusong kalihukan.

Nakansalar na sa miaging tuig ang kapistahan sa Sto. Niño tungod sab sa pagsulbong sa mga kaso nga nasinati sa siyudad human ang kasaulogan sa Pasko ug Bag-ong Tuig.

Samtang, gisulti ni Davao City Police Office (DCPO) Director Kirby John Kraft sa paghinabi kaniya sa radyo nga mga Santos nga Misa sa ika-54 ka tuig nga kapistahan sa Sto. Niño himuon pinaagi sa "online."

Sayo niini, gisulti na ni Mayor Sara Duterte-Carpio sa iyang regular nga programa sa radyo niadtong Lunes, Enero 3, nga ang dakbayan nagtugot pa gihapon sa paglusad sa mga misa sa nahisgutang aktibidad.

Apan si Kraft sa paghinabi kaniya ning bag-ohay, nagsulti nga ang mayor mihangyo sa tigpasiugda nga lat-angan lang una ang tradisyonal nga pisikal nga aktibidad.

"Kahapon [January 6], nagpunta po tayo ang DCPO sa Shrine Hills administrator at nagpadala po tayo ng sulat sa kanila recommending the cancellation of all physical activities in relation sa celebration ng Sto. Niño sa Shrine Hills from January 15 to 16," tug-an sa opisyal sa pulis sa dihang Gikanayon ni Kraft nga magpakatag sila og mga pulis duol sa Shrine Hills.

Giklaro niya nga ang mga deboto mahimo rang makadagkot og kandila ug magpabilin og kadali aron nga malikayan ang panagtapok.

Giingon sab ni Kraft nga ang mga aktibidad nga dunay kabahin sa kapistahan sa Black Nazarene sa mga komunidad gipahimangnoan sab nga ikanselar kini. Gitahasan pud ang mga opisyal sa barangay nga ipatuman ang maong mando.

Ang Department of Health-Davao Region nagtaho nga miabot na sab og 100-mark ang mga aktibong kaso kon diin 155 natala sa usa ka adlaw lang.