NIPASIDAAN ang Department of Health (DOH) sa publiko kagahapon, Enero 7, batok sa pagtuo bahin sa Omicron variant, diin gihulagway ang mga simptomas nga mild lakip sa brief surge sa coronavirus disease (Covid-19) cases sa nasod.

Sa usa ka radio interview, si Health Secretary Francisco Duque III niingon nga sayop kon ang publiko nagtuo nga nga Omicron variant mohimo lang og mild symptoms ug ang pagsaka sa kaso dili magdugay.

“That (becoming complacent) would be wrong. There are still many things that we don’t know about Omicron because it is a new variant,”matod ni Duque.

“We cannot act carelessly. We have to be more conservative,” dugang niya.

Ang hepe sa panglawas sa nasod nagkanayon nga kon magsalig lang mahimong dakong gasto kon ang impormasyon mamatud-an nga sayop.

“We can say easily they are just mild clinically or this will just be a brief surge, but then the people will likely become careless,” pasidaan ni Duque nga minus ang magasto kon mangandam.

Matod niya nga mas maayo nga ang mga tawo mosunod sa minimum public health standards bisan pa kon unsay kinaiya sa Omicron variant.

“Nothing beats being careful. If we are proven wrong, at least we erred on the side of caution, of safety,” dason ni Duque.

Sa sayo pa, ang mga batid sa panglawas nagkanayon nga ang Omicron variant momungna lang og mild symptoms sa mga indibiduwal.

Ang independent Octa Research nibanabana nga ang surge o pagsaka sa kaso sa Omicron variant hamubo lang base sa kasinatian sa ubang nasod.

Kini nga taho ang hinungdan sa pagsalig sa uban. (HDT, SunStar Philippines)