Ancajas modepensa sa iyang titulo karong Pebrero

Walay pilde nga Argentine boksidor ang ikaharong ni Jerwin Ancajas sa iyang pagdepensa sa International Boxing Federation (IBF) super flyweight nga titulo karong sunod buwan.

Si Fernando Daniel Martinez mao ang kontra ni Ancajas nga gi-eskedyul karong Pebrero 5 didto sa Gila River Arena sa Glendale, Arizona, Estados Unidos.

Ang 30-anyos nga lumad sa Panabo City, Davao Del Norte uwahing miaway Abril sa miaging tuig diin nakakuha siya’g unanimous decision nga kadaogan batok kang Mexican Jonathan Rodriguez aron madepensahan iyang titulo sa maka-siyam nga higayon.

Si Ancajas moaway unta niadtong New Year’s Eve batok ni Kazuto Ioka alang sa unification bout didto sa Tokyo, Japan. Apan wa kini madayon tungod kay gisarado sa Japanese government ang ilang borders sa foreign travel tungod sa Omicron variant sa Covid-19.

Tungod niini, ang WBO title holder nga si Ioka mikuha og local nga kontra nga si Ryoji Fukunaga sa usa ka all-Japanese showdown niadtong Disyembre 31 didto sa Ota-City General Gymnasium.

Si Martinez adunay 13-0, 8KOs nga record, samtang si Ancajas anaa sa 33-1, 22 KOs.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph