Mipabuto og 16 puntos sa fourth quarter ang Pinoy basketbolista nga si Dwight Ramos aron aswaton ang Toyama Grouses batok Akita Northern Happinets, 99-91, sa 2021-22 B.League season didto sa Toyama City Gymnasium sa Japan.
Dakong tabang ang gibuhat sa Filipino guard aron makabangon ang iyahang team sa 15 puntos nga biya sa third quarter.
Miulbo ang opensa sa Toyama sa fourth quarter diin miiskor ang team og 29 puntos aron kawaton ang kadaogan. Si Ramos mitapos nga adunay 22 puntos, lima ka steals, tulo ka rebounds, ug usa ka assist.
Si Ramos mipasulod tulo sa upat niya ka itsa sa three-point area.
Ang Toyama nakakuha pud og 22 puntos, 14 rebounds gikan kang Brice Johnson ug 16 puntos, lima ka rebounds ug lima ka assists kang Julian Mayunga.