Nalantawan ni Philippine Basketball Association (PBA) commissioner Willie Marcial nga adunay malisod nga desisyon nga buhian ang liga nga adunay kalambigitan sa kalit nga pagsaka sa mga kaso sa Covid-19 sa nasod.
Ang PBA mipahunong na sa mga duwa sa Governor’s Cup ug gidid-an ang ilang miyembrong teams sa pagpahigayon og mga praktis human gisaka og balik sa Alert Level 3 ang National Capital Region.
Sa interbyu sa “The Chasedown”, gipadayag ni Marcial nga gianugnan siya sa pagkahunong sa mga duwa sa Governor’s Cup gumikan kay hinayhinay na untang nakuha sa liga ang momentum human gipasudlan og balik og mga tumatan-aw ang ilang venue.
Atol sa Christmas Day special, dul-an sa 5,000 ka mga tumatan-aw ang nakasulod sa Araneta Coliseum.
“Sayang, (may) momentum na,” matod ni Marcial. “Biruin mo, nagsimula tayo sa 1,800 na tao... Hanggang lumampas tayo, kulang-kulang na 5,000 noong Pasko. Sayang, andoon na ‘yung momentum, dire-diretso na tayo.”
Hinuon giklaro ni Marcial nga mas mahinungdanon gihapon ang kaluwasan alang sa tanan.
“Pero hindi ako manghihinayang kung makakaligtas lahat. Para sa atin naman ‘to. Sana maintindihan ako ng mga fans at ng mga team owners,” pasabot ni Marcial.
Asoy ni Marcial nga nagsunod sila sa sitwasyon sa Metro Manila kabahin sa Covid-19 aron matun-an nila kon unsa’y lakang nga ilang pagabuhaton.
Kon magkaubos ang mga kaso sa Covid-19 sa sunod buwan, hayan posibleng pabalikon na nila’g praktis ang ilang miyembrong teams.
“For the meantime lang naman ‘to. Siguro, sana itong February, okay na tayo,” panghinaot ni Marcial.
Sa miaging semana, ang OCTA research group mipahimangno sa nasod nga posibleng moabot sa kapin sa 20,000 ka mga kaso sa Covid-19 ang matali sa matag adlaw.
Ang Department of Health nagtuo nga mas mosaka pa kini inig human sa buwan sa Enero, 2022./ESL
“Crucial ang February. Siguro, magde-desisyon na kung anong gagawin sa imports, paano na, made-delay pa ba natin. Crucial ang Feb.,” dugang ni Marcial.