Ang Supreme Court (SC) hugot nga niawhag sa tanang mokuha og Bar examinations nga mopaubos sa self-quarantine sugod kagahapon, Enero 10, isip pagpangandam sa umaabot nga pagkuha sa pasulit nga unang higayon nga ipahigayon sa mga piniling dapit sa rehiyon.
Si Associate Justice ug Bar Examinations Chairperson Marvic Leonen niluwat og Bar Bulletin Number 32 series of 2022 nga nag-isyu sa pag-obserbar sa quarantine protocols alang sa 2020/21 Bar Examinations sa Enero 16, 23, 30, ug Pebrero 6, 2022.
Sa ilang unang Bar Bulletin, kadtong mokuha sa pasulit nga positibo sa test sa coronavirus disease 2019 (Covid-19) ang awtomatik nga dili makasulod sa local testing centers bisan kon sila asymptomatic.
Ang pagdili parehong mahimong resulta sa antigen test ug Reverse Transcription polymerase chain reaction (RTPCR).
Sa Central Visayas, dunay upat ka testing centers: University of San Jose Recoletos-Basak Campus, University of Cebu School of Law; University of San Carlos School of Law sa dakbayan sa Sugb; ug Silliman University College of Law sa dakbayan sa Dumaguete.