Bag-o na ang hepe sa Cebu City Police Office (CCPO) sugod karon, Enero 11, human hulipi sa Camp Crame si Police Colonel Josefino Ligan nga gibalhin sa Police Regional Office (PRO) 7.
Mo hulip kaniya isip acting city director mao ang lumad nga taga dakbayan sa Dumaguete Negros Oriental nga si Police Colonel Ernesto Salvador Tejada Tagle.
Si Tagle sakop sa Philippine National Police Academy class of 1993 diin kanhi nadestino sa Police Community Affairs and Development Group sa kampo Crame.
Si Ligan nanamilit na pinaagi sa iyang Facebook page diin sulod sa usa ka tuig ug siyam ka buwan niya nga city director daghang pagsuway nga iyang nasugatan kini sa dihang giila ang dakbayan sa Sugbo nga epicenter sa Covid 19 sa tibuok nasud.
Apan sa dihang hugot niini nga gipatuman ang mga lagda sa Emergency Operations Center ug ang contact tracing nahimong ehemplo ang dakbayan sa pagkunhod sa kaso sa Covid 19.
Sila ang gipasunod sa Camp Crame sa tanang city ug provincial police offices sa nasud sa pamaagi giunsa nga miubos pag ayo ang Covid sa siyudad.
“I can never put into words how grateful i am for all the opportunities you have made possible for me. It was and will always be my life’s honor to have served as the city director of Cebu City Police Office. although challenging, it has been a great 1 year and 9 months," matod ni Ligan.