Olango Police Stn. nakadawat og P50K gikan sa LGU

REWARD: Sila si Lapu-Lapu City Mayor Junard "Ahong" Chan (tuo) ug Lapu-Lapu City Office for Substance Abuse and Prevention (CLOSAP) head Gary Lao (tunga) mitunol sa P50,000 nga reward ngadto kang Police Major Michael Gingoyon (wala). / TAMPO
REWARD: Sila si Lapu-Lapu City Mayor Junard "Ahong" Chan (tuo) ug Lapu-Lapu City Office for Substance Abuse and Prevention (CLOSAP) head Gary Lao (tunga) mitunol sa P50,000 nga reward ngadto kang Police Major Michael Gingoyon (wala). / TAMPO

Agi og pahalipay sa Kagamhanan sa Dakbayan sa Lapu-Lapu pinaagi sa buhatan sa City of Lapu-Lapu Office for Substance Abuse and Prevention (CLOSAP) nga gidumala sa executive director, Gary Lao, ang Police Station 1 nga nagbase sa isla sa Olango gitunolan og P50,000 nga financial aid.

Pahibawo ni Lao sa Superbalita Cebu nga gipasidunggan ang Police Station 1 sa ilang paningkamot sa ilang subsob nga kampaniya batok sa illegal drugs.

Kini niresulta sa pagdeklarar sa barangays Caohagan, Tingo, Baring, Tungasan ug Caw-oy nga drug-free.

Base sab kini sa rekomindasyon sa oversight committee sa Philippine Drug Enforcement Agency (PDEA) 7.

“We recommended ang CLOSAP and CADAC which I co-chair to give financial assisitance or aid to Station.This will also help sa ilang anti-drug campaign. And this is very timely sad ang Station 1 was badly damaged,” matod pa ni Lao.

Samtang si P/Major Michael Gingoyon, station commander sa Olango Police Station, mapasalamaton sa city government ilabi na ngadto kang Mayor Junard "Ahong" Chan sa maong financial assistance alang sa ilang istasyon.

Usa sa gamitan sa kantidad mao ang pagpa-ayo sa ilang buhatan nga nagusbat atol sa Bagyong Odette niadtong Disyembre 16.

Saysay ni Gingoyon nga nalarot ang mga atop sa ilang buhatan samtang glass window nangabuak hinungdan nga ang ilang mga gamit ug dokomento nahumod sa uwan atol sa katalagman.

“Mapatindog na pud namo ang station with the help sa financial assistance, so that we can efficiently and effectively serve the Olangohanons,” pamahayag ni Gingoyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph