Si Ja Morant nitali og 29 puntos, lakip sa lima sa katapusang minuto, ug ang Memphis Grizzlies nipukan sa Golden State Warriors 116-108 kagahapon alang sa ilang ika-10 nga sunodsunod nga kadaugan.
“I just like having that pressure,” matod ni Morant sa iyang pagpamuntos. “I feel like that’s when I shine the most. I like to be the one taking that shot, hit or miss.”
Ning-amot sila si Ziaire Williams ug Tyus Jones sa ilang tag 17 puntos, diin sila Williams nitala sa iyang season-high. Si Jones maoy nangu sa fourth-quarter rally nga niinat na gyud og dako ang labaw sa Grizzlies. Nitapos siya og 6 sa iyang walo ka 8, lakip na sa pagpasulod sa iyang lima sa 3-point attempts.
Si Stephen Curry maoy nangulo sa Warriors sa iyang 27 puntos, 10 ka rebounds ug 10 ka assists sa iyang ikaduhang triple-double sa season.
Si Klay Thompson nitapos nga dunay 14 puntos. Sila si Andrew Wiggins ug Gary Payton II niiskor og 13 matag usa.
Sikit ang duwa sa duha ka teams sa second half hangtod ang sunodsunod nga 3-pointers ni Jones nihatag og labaw sa Memphis 109-100 sa nahabiling 3:33 sa duwa. Igo na kini nga labaw sa Grizzlies aron magpadayon ang ilang franchise-record, diin ang Memphis nipugong sa Golden State ngadto lang sa 18 puntos sa fourth quarter.
“I thought Tyus Jones shooting 3s broke the game open. That was the key,” matod ni Warriors coach Steve Kerr.
Ang Grizzlies maoy nangigo sa 3-point range sa first half nga nipasulod sa 8 sa ilang 13 gikan sa gawas sa arc. Mao ni ang nakapalabaw sa Memphis og 18-puntos sa ikaduhang quarter, hinungdan nga ang Warriors nagsige na lang og gukod.
“It was just turnovers early in the game, and that gave them a lot of confidence,” matod ni Curry, kinsa nakapasulod lang walo sa iyang 21 ka itsa, apil na ang duha sa iyang iyang siyam sa 3-point range.
Si Grizzlies interim coach Darko Rajakovic nitataw nga di lang ang opensiba ni Williams ang nakaisa kanila, apan maayo sab nga nakabantay ang rookie nga si Stanford kang Curry gikan sa opening tip. Si Rajakovic niingon nga si Curry mag-average og 14 ka 3-pointers matag duwa, apan siyam lang ang iyang napasulod.
“He did a really good job,” matod ni Rajakovic sa depense ni Williams. “He followed the game plan. Obviously, Steph Curry is an amazing scorer and shooter. (Williams) did a really good job of chasing him to get him inside the 3-point line.”
Kay nabiyaan man sa 1st half 59-51, ang Warriors nipahugot og maayo sa ilang depensa, partikular si Payton nagsige og sikit kang Morant, sa pagbukas sa second half. Ang hugot nga depensa sa Warriors nakamugna og upat ka sayo nga turnovers sa Memphis.
“We did a lot of really good things to get back in it after a really bad first half,” matod ni Kerr.
Unya ang kainit sa korte naghimo sa duwa nga sama og playoff ug ang mga manan-away sa Grizzlies naglangas og maayo.
Ang duha ka teams nag-ilis og leads, way bisan kinsa nila nga nihatag og bentaha sa possession ug ang Golden State maoy nag-una sa 90-87 sa pagsulod sa fourth quarter.
“It was a great game. Two of the best teams in the league,” matod ni Kerr. “They’re the hottest team in the league, and we gave ourselves a chance, but we didn’t play well enough to win.”
Sa laing mga duwa, gipukan sa Washington Wizards ang Oklahoma City Thunders, 122-118 samtang gilubong sa Chicago Bulls ang Detroit Pistons 133-87. Gipilde usab sa New Orleans Pelicans sa kulbahinam nga duwa ang Minnesota Timberwolves 128-125 ug sa lain usab nga sikit kaayo nga sangka, gipukan sa LA Clippers ang Denver Nuggets 87-85. (REV gikan sa AP)