EUGENE TAN Award-Winning Composer-Singer Nagbangutan ang local entertainment sa kamatayon sa award-winning Cebuano composer nga si Eugene Tan niadtong Enero 29 sa miaging tuig tungod sa Covid. Si Eugene naila sa iyang kontribusyon sa local music ug sa kadaghan niyang daug sa mga songwriting festival. Kaduha siya nag-grand prize sa Cebu Pop Music Festival, nag-grand prize usab siya sa “Hunino” niadtong 2013 ug kadaghan nahimong runner-up. Uyo-an niya sa apohan si anhing Maestro Mil Villareal.
DIli lang sa pandemya ug super bagyong Odette ang 2021 kundi tuig sad ni sa pagbangutan. Ang mosunod mao ang pipila lang sa mga personalidad sa local entertainment nga nitaliwan sa miaging tuig. Kinasingkasing natong yukbo-pasalamat sa natampo nila sa kalingawan ug kultura. Atong i-ampo ang ilang malinawon nga pagpanaw. Hinaot magpabiling buhi ang ilang legasiya bisan kon tua na sila sa laing kalibutan.
