Kanhi Talisay City engineer gitudlo nga Tesda 7 direktor

Engr. Gamaliel Vicente
Engr. Gamaliel Vicente

Kanhi Talisay City engineer gitudlo nga bag-ong direktor sa Technical Education and Skills Development Authority (Tesda) Central Visayas office.

Si Engr. Gamaliel Vicente pormal nga niasumir sa pwesto pinaagi sa usa ka virtual turnover ceremony nga gipahigayon naidtong Biyernes, Enero 7, 2022.

Si Vicente maoy nipuli kang Tesda 7 director nga si Atty. Andrew Bido.

Ang kausaban sa liderato sa rehiyon nahisubay sa Tesda Order No. 004 series 2022 nga giluwatan ni Tesda Director General, Secretary Isidro S. Lapeña, diin ang Tesda’s regional ug provincial directors ipaubos sa assignment rotation sa pagpalambo sa ilang kahibalo ug kasinatian sa pagserbisyo sa publiko.

Si Bido, sa iyang farewell message, nitaho sa mga kalamposan sa iyang buhatan ug nakab-ot taliwala sa mga hagit sa Covid-19 pandemic ug ang pagkusoksuo sa bagyong Odette niadtong Disayembre 16, 2021.

Samtang sa pamahayag ni Vicente, naghinamhinam siya uban sa katawhan sa Central Visayas ug nabalik sa dapit nga duol sa iyang pamilya sa Talisay.

Si Vicente nagsugod sa Tesda dihang gitudlo ni Presidente Rodrigo Duterte isip regional director sa Tesda IV-B (MIMAROPA) niadtong Oktubre 15, 2018 diin nagsilbi siya sulod sa duha ka tuig.

Nabalhin siya sa Tesda Region VIII (Eastern Visayas) niadtong Enero 4, 2021 sa wala pa matudlo sa bag-ong pwesto sa Central Visayas.

Sa wala pa siya sa Tesda, si Vicente maoy City Engineer and Building Official sa Talisay City, Cebu sulod sa kapin sa 15 ka tuig. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph