Sulod lang sa pito ka adlaw, ang bag-ong kaso sa coronavirus disease 2019 (Covid-19) sa dakbayan sa Mandaue nipilo og kaunom.
Kini human ang dakbayan dunay 43 ka bag-ong kaso sa Covid-19 sa Enero, 11, Martes, nga labing taas sukad sa Enero 4, 2022.
Ang dakbayan karon dunay kinatibuk-ang 143 ka mga aktibong kaso sa Covid-19 dihang 7 lang kini sa Enero 4.
Sulos sa 11 ka sunodusnod nga adlaw o Disyembre 24 ngadto sa Enero 3, ang Mandaue walay natala na bag-ong kaso sa Covid.
Bisan niin, si Dr. Ligaya Lakambini Dargantes, operations head sa city’s Vaccination Operation Center (VOC) ug head sa Emergency Operations Center (EOC) sa siyudad nagkanayon nga ang kalit nga pagsaka sa kaso ug aktibong mga kaso tungod sa ‘panagtapok’ human sa pagkusokuso sa bagyong Odette niadtong Disyembre 16, 2021.
Gawas sa panagtapok sa evacuation sites human sa bagyo, si Dargantes niingon nga ang panagtapok sa mga tawo sa water refilling ug charging stations posible nga nakatampo sa pagsaka sa kaso sa dakbayan.