"NO VACCINATION card, no entry."
Kini karon ang gipatuman sa headquarters sa Davao City Police Office (DCPO) sa Domingo E. Leonor San Pedro Street, Davao City ug sa mga police stations niini.
Sumala ni DCPO spokesperson Police Major Rosario Aguilar nga ipatuman nila di agi'g diskriminasyon sa uban nga wa nagpabakuna kon di panawagan sa uban mga kinahanglan gayod ang bakuna batok sa Covid-19 labi na nga subling mitaas ang kaso sa nasyonal ug natala ang variant niini.
Una nang nagpahigayon niini ang headquarters sa Police Regional Office (PRO)-Davao sa Camp Quintin Merecido sa Catitipan, Buhangin, Davao City.
Hisgutanan sab sa nasyonal karon ang isyu sa "No Vaccination, No Ride" policy nga di gusto mahitabo sa mga Dabawenyo diri sa Davao City ug sa ubang lugar ning rehiyon.
Sumala ni Senate President Vicente Sotto III nga di siya uyon niini ug dili unta ma-discriminate ang mga unvaccinated commuters subay sa gianunsyo sa Department of Transportation (DOTr) luyo sa latest surge sa coronavirus disease (Covid-19) cases.
"There should be no discrimination among the riding public. Instead of barring them from riding public transports, DOTr should come up with brighter ideas on how to protect the unvaxxed from the deadly virus. For example, in trains or in PUBs, designated coaches or buses should be designated for riders who have not been jabbed," ingon ni Sotto diin mas maayong mo-explore pa sa usa ka alternative means aron makombinse ang publiko sa paghimulos sa free vaccination program.
Dugang sa opisyal, "Our government should also serve the people who still don't want to get their vaccines. There are many options, but to destabilize the means of transportation of our people should not be the only option. Think. Explore. There are plenty of other ways to fight the pandemic."
Hinuon sa Davao City, wala kini gipatuman, suma sa awtoridad.