USA ka drayber sa traysikol nga natulog sa duyan giluba-patay sa iyang silingan sa Sitio Looc, Barangay Poblacion, lungsod sa Argao, alas 12:40 sa kaadlawon sa Huwebes, Enero 23.

Si Herminigildo Sanchez Camello, 56, drayber sa traysikol, buwag sa asawa, ug nagpuyo sa nahisgutang lugar nakaangkon og daghan samad dinunggaban sa dughan, tiyan, ubang parte sa lawas.

Nadakpan sa hot pursuit operation si Dennis Pangandoyon Dela Cruz, 44, ulitawo ug silingan sa biktima.

Si Major Rodgene Fudotan, hepe sa Argao Police Station, nga si Ernesto Laluna Dela Cruz Sr., 75, amahan sa biktima, maoy mibutyag nga ang iyang anak natulog sa duyan.

Niabot ang suspek, walay daghan pangutana gidunggab makadaghang higayon ang iyang anak gamit ang kitchen knife.

Si Fudotan nibutyag nga ang suspek niangkon sa krimen dihang nadakpan.