BISAN niadtong pagkunhod sa kaso sa Covid-19, ang Department of Social Welfare and Development (DSWD) Region 7 nagpabiling lig-on nga nagsuporta sa post-recovery assistance sa kalungsoran sama sa Medellin, Cebu.

Ang DSWD 7 nitampo sa 7-bed capacity isolation facility sa Kapit-Bisig Laban sa Kahirapan Comprehensive and Integrated Delivery of Social Services (Kalahi-CIDSS) gisubhan ug gitunol ngadto sa mga lokal nga opisyal sa Brgy. Panugnawan, Medellin niadtong Disyembre 7, 2021.

Ang pagtukod sa 200 sq. m facility nagsugod sa Hulyo 2021 uban sa tumong nga paghatag og temporaryong kapuy-an sa mild nga kaso sa Covid-19. Kabahin kini sa program nga P7.5 million project alang sa Medellin sa pagtubag sa kahimtang sa panglawas sa mga komunidad.

“Garbo alang kanamo nga taga-Panugnawan ang pagpatukod niining isolation facility. Dili lang kay among mga ginsakupan ang makapahimos niini apan apil na pud ang 18 ka mga barangay sa tibuok Medellin,” matod ni Brgy. Kapitan Juanico Diaz sa Panugnawan.

Ang Kalahi-CIDSS nigamit sa Disaster Response Operations Modality (DROM), usa ka mekanismo alang sa pagpatuman sa proyekto sa pagpadli sa paghatod mga proyekto sa panahon sa kalamidad.

Sulod sa duha ka tuig nakasagubang og daghang hagit ang lalawigan sa Sugbo, lakip sa epekto sa Covid-19 sa naapiki nga dapit.

Nakita nga nakasustiner ang kalamboan sa wala pa ang pademiya, ang Medellin naningkamot nga makalabang sa krisis ug moabante sa pagpahiuli sa ekonomiya.

Sa sayo sa 2021, ang Kalahi-CIDSS nakakita nga dunay panginahanglan sa pagsuporta sa lokal nga kagamhanan ug mohatag sa Medellin sa sub-projects sa livelihood interventions sama sa cash-for-work ug farm-to-market roads.

Kini puhonan nga nag-una sa prayoridad sa DSWD sa pagpanday sa pagpahiuli sa kalamboan, pagpaminos sa kakabus uban sa pag-awhag sa pag-apil sa komunidad.

Si Regional Director Rebecca P. Geamalanseguro sa programa sa Kalahi-CIDSS mopadaon sa pagbubo og puhonan alang sa kalamboan dili lang sa Sugbo apan sa ubang bahin sa Central Visayas.

“Our mandate is to uplift everyone from poverty. One way to do this, we will provide opportunities to bounce back for both local government and community members,” matod niya.

Ang relasyon sa DSWD tali sa lokal nga kagamhanan ningrsulta sa mga proyekto nga nagseguro sa inclusive ug sustainable growth guiding sa pagpahiuli sa mga komunidad nga naapektohan sa pandemiya ug katalagman. (PR)