Gisugdan na sa Cebu Port Authority (CPA) ang pagpatuman sa “No Vaccination, No Ride” policy alang sa tanang mga pasahero nga mobiyahe paingon ug gikan sa National Capital Region (NCR) niadtong Huwebes, Enero 13, 2022.
Sa iyang pag-release sa advisory sa pantalan niadtong Enero 12, ang tanang pantalan sulod sa hurisdiksyon sa CPA motugot lamang sa pag-access o pag-isyu og mga tiket ngadto sa hingpit nga nabakunahan nga mga indibidwal.
Kini human ang Department of Transportation nipagawas og department order nga pinetsahan og Enero 11 nga nag-limit sa access sa pampublikong transportasyon sa nabakunahang populasyon sa NCR.
Si CPA General Manager Leonilo Miole niingon sa advisory nga ang mga pasahero kinahanglang magpakita og pisikal o digital nga mga kopya sa ilang vaccination card uban ang valid government-issued identification (ID) card nga adunay hulagway ug address.
Ang Mactan-Cebu International Airport (MCIA) mopatuman usab sa samang polisiya alang sa mga pasahero sa ayroplano paingon sa NCR.
Sa Memorandum Circular Number 2022-001 niini, ang domestic airlines mo-screen, mag-validate, ug mopasakay lamang sa mga pasahero nga makapresentar sa ilang vaccination cards ug government-issued ID.
Ang polisiya ipatuman sa higayon nga ang Department Order (DO) No. 2022-001 nga Department of Transportation mo-epekto sa Lunes, Enero 17, 2022.
Ang AirAsia, Philippine Airlines (PAL), ug Cebu Pacific nipadayag sa ilang suporta sa bag-ong guidelines sa pagbiyahe sa kahanginan.