NAGLARAW si kanhi ONE heavyweight champion Fil-Am Brandon Vera nga moaway og balik sa ONE Championship sa ulahing bahin sa tuig 2022.
Si Vera, kinsa adunay mixed martial arts (MMA) record nga 16-9, gikan sa 2nd round technical knockout nga kapildihan batok kang Arjan Singh Bhullar niadtong Abril sa miaging tuig sa ONE: DANGAL nga maoy nakatangtang sa iyang bakus.
Human ning kapildihan, gituohang nga moretiro na si Vera hilabi na kay nag-edad na siya og 44.
Apan gustong ipamatuod ni Vera nga aduna pa siya’y saktong ikabuga taliwala sa iyang pangidaron.
“It’s really an exciting time to be part of ONE Championship and I promise that I will be back in the ONE Circle soon,” asoy ni Vera nga napatik sa www.gmanews.tv.
“I can imagine that being in the third or fourth quarter of this year, but you bet, I am looking forward to ramping up my training again.”
Sa pagpadaplin ni Vera sa senaryo, ubay-ubay nga batan-ong heavyweight fighters nga adunay dakong potensyal ang nakapirma og kontrata sa ONE Championship lakip na si Marcus “Buchecha” Almeida, kinsa gikonsiderar nga usa sa greatest jiu-jitsu practitioners of all time.
Niini, mas nagpanikad si Vera nga mobalik og away.
“I’m very proud, personally, to be a heavyweight representative of ONE Championship. The talent pool just keeps on growing here at ONE,” dugang ni Vera.
“As for me, I will be back and I can’t think of doing anything else other than reclaiming what is rightfully mine.”