Makabalik na’g duwa ang batan-ong Pinoy nga higante nga si Kai Sotto karong adlawa, Enero 18, 2022 (RP time) sa National Basketball League (NBL) sa Australia.

Ang team ni Sotto nga mao ang Adelaide 36ers sulod sab sa usa ka buwan nga wala nakakombati gumikan sa Covid-19 health and safety protocols sa liga.

Sa pagbalik sa 36ers, ilang ikasangka ang Perth Wildcats sa Adelaide Entertainment Centre.

Mao kini ang ikaduhang duwa ni Sotto sa NBL.

Sa premiro niyang duwa, nakatali og usa ka puntos, tulo ka rebounds, duha ka assists ug duha sab ka block shots ang 19 anyos ug 7’3” nga basketbolista.