Donaire-Inoue part 2 gihikay

Gisugdan na ang negusasyon alang sa panagharong og balik nila ni Nonito “Filipino Flash” Donaire ug Japanese Naoya “Monster” Inoue nga posibleng mapahigayon karong Abril, 2022.

Mismong ang promoter ni Donaire nga si Probellum CEO Richard Schaefer ang nipahibalo niini.

Gipasabot ni Schaefer nga nakigsabot siya sa promoter ni Inoue nga si Akihiko Honda sa Teiken Promotions nga ipahigayon ang away sa Asya, labing seguro sa Japan.

“This is definitely a fight we would love to do and Nonito would love to have it as well. We don’t have a problem going to Japan. Donaire has the balls to go into the lion’s den again. This is one of the biggest fights you can make in the sport,” batbat ni Schaefer nga napatik sa www.boxingscene.com.

Gipasabot ni Schaefer nga wala pa siya nasayod kon unsa’y desisyon ni Inoue apan sa iyang nasayran, sama ni Donaire, interesado sab kini nga mahinayon ang gikaintapang rematch.

“I can’t speak on behalf of Inoue, but I know that’s the fight he wants as well. I’ve always believed that when there is a big fight to be made, you make it – and this is a big fight,” dugang ni Schaefer.

“I am going to exhaust every resource and will not leave any stone unturned to pull off this fight. This is what Nonito and the fight fans want. We as a sport need to deliver it. I believe we’ll get it done.”

Si Donaire (42-6, 28KOs) ug Inoue (22-0, 19KOs) unang nagsangka niadtong Nobiyembre 7, 2019 sa finals sa World Boxing Super Series.

Midaog si Inoue ning brutal nga panagsangka pinaagi sa unanimous decision, 111-116, 113-114, 109-117.

Nakasinati og knockdown si Donaire sa premirong away apan bun-og sab si Inoue.

“Both guys have only gotten bigger since that fight, and probably even better, which is interesting to say especially in regard to Nonito,” asoy ni Schaefer.

Sa kasamtangan, si Donaire maoy naggunit sa World Boxing Council (WBC) bantamweight title samtang si Inoue maoy tag-iya sa International Boxing Federation (IBF) ug World Boxing Association (WBA) bantamweight titles.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph