Dili ipatuman sa Probinsya sa Sugbo ang no vaccine, no ride policy.

Matod ni Cebu Governor Gwendolyn Garcia kagahapon, Enero 19, ang maong polisiya anti-poor.

Gitumbok ni Garcia ang Republic Act 11525 o ang Covid-19 Vaccination Program Act of 2021 diin nalatid nga dili mandatory ang pagpangayo og vaccination cards isip requirement sa pagtungha sa eskwelahan, pagtrabaho ug uban pang mga transaksyon sa pangagamhanan.

Ang no vaccine, no ride policy gipatuman sa National Capital Region (NCR) sugod niadtong Lunes tungod sa grabeng pagsaka sa mga kaso sa Covid-19 sa rehiyon.

Apan matod ni Garcia, dili pwede himuong requirement ang vaccination card aron lang makasakay sa mga sakyanan.

“Provided further, that the vaccine cards shall not be considered as an additional mandatory requirement for educational, employment and other similar government transaction purposes,” kutlo ni Garcia sa mao nga balaud nga iyang gihisgutan sa iyang memorandum alang sa tanang mga mayor sa lalawigan nga gipetsahan og Enero 19, 2022.

Ang memorandum nagmando nga di himuong mandatory nga rekisito ang pagpakita sa vaccination cards sa edukasyon ug pagpangempleyo ug uban pang mga transaksyon sa kagamhanan.

Niini, giawhag ni Garcia ang mga fully vaccinated nga dili i-discriminate ang kadtong wala pay bakuna o unvaccinated.

Supak usab siya sa no vaccine, no entry sa mga establisemento nga nasukwahi sa gipatuman nga polisiya sa Kagamhanan sa Dakbayan sa Sugbo sugod kagahapon, Enero 19.

“I think the law is very clear. How else can we interpret other than saying that there shall be no mandatory requirement of vaccine card..." dugang niya.

“It’s very clear. So I cannot Bisan pa sa pagpaubos sa Alert level 3 sa probinsya sa Sugbo, giklaro ni Garcia nga walay border control sa Probinsya apan dunay border checkpoints.

Gipatuman ang border checkpoints aron masusi sa kapulisan kon nagsunod ba sa health protocols.

Gikinahanglan ang padayong pag sul-ob sa face mask pag bukas sa mga bintana ug pagsul-ob og air purifier sa mga drayber.

Ang probinsya sa Sugbo gipaubos kini sa Alert Level 3 niadtong Enero 16 hangtod sa Enero 31.

Subay sa uwahing taho sa Department of Health (DOH), adunay natala nga 22 ka mga kaso sa Omicron variant sa Covid-19 sa Sugbo.

Ang Omicront, usa ka variant sa Covid-19, paspas motakod apan dili sama sa Delta variant nga grabe og simptomas ug daghang nangamatay subay sa kasinatian sa ubang nasod.