Drug den sa Digos napuhag

Hulagway sa Philippine Drug Enforcement Agency-Davao
Hulagway sa Philippine Drug Enforcement Agency-Davao

SIKOP ang gikonsiderang Provincial Target List No. 4 ug mga parokyano sa suspek sa gikasa nga hiniusang operasyon sa Philippine Drug Enforcement Agency (PDEA)-Davao ug Digos City Police Station, Enero 18, 2022, didto sa Purok Centro Santolan, Barangay Tres de Mayo, Digos City, Davao del Sur.

Sa impormasyon gikan sa PDEA-Davao, ang suspek nga si alyas John nakuhaan og mokantidad sa P225,000 nga gituohang shabu.

Usa ka 30-anyos ang suspek, delivery boy, samtang nasikop sab ang iyang upat ka mga parokyano atol sa operasyon diin usa kanila, babaye.

Ang kasong atubangon sa suspek ug sa iyang mga parokyano mao ang Section 5 (Sale of Dangerous Drugs) Section 6 (Maintenance of a Drug Den), Section 7 (Employees and Visitors of a Den), 13 (Possession of Dangerous Drugs During Parties, Social Gatherings or Meetings,) ug Section 14 (Possession of Equipment, Instrument, Apparatus and Other Paraphernalia for Dangerous Drugs During Parties, Social Gatherings or Meetings), sa Article II sa Republic Act 9165 kon Comprehensive Dangerous Drugs Act of 2002.

Giawhag karon sa otoridad ang katawhan nga gilayong moreport aron mapuhag gayod ang ilegal nga druga sa komunidad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph