Dear Noy Kulas,

Please hide my true identity and e-mail. Just call me Jack, usa ka gay pero ma lalake og panagsa kon mahubog. Mao ni ang ako karong problema.

Naa koy cousin nga ato lang tawgon og Marites. Magkasabot mi niya kay tsismosa ug makahibawo ko sa mga estorya sa among sityo. Barkada kaayo mi sukad sa gagmay pa ming mga bata. Magkuyog mi sa mga laag ug bisan unsa na lang.

Adtong October nanglaag ming duha kay among gi celebrate ang among birthday. Pwerte namong inom hangtod nga nahubog ming duha. Unya ni joke siya nga iya kong himuon nga lalake. Pwerte niyang maneho nako until nanginit ko. Sa laktod, na lalake ko sa iyang pagpainit nako. Ako ang nakauna niya kay never been touched, never been kissed ni siya sa ka maldita.

Nadala mi sa spirit sa among giinom. Pwerte namong saka sa himaya kadaghan. Pagka buntag, gihilasan ko gatan aw namo nga both naked but nangatawa ra mi. Karon naproblema ming duha kay mabdos siya. Gusto niya ipa abort but di ko gusto. Unsa may among buhaton karon nga paryente man mi nya close kaayo? Mangayo ko sa imong tambag.

JACK

Jack,

Sayon ra man na. Kon di mo ganahan nga magminyo, manubag mong duha sa responsibility sa bata. Kamong duha gyud kay inyo man nang gituyoan. Kataw-an mo sa sinugdan apan makasabot ra ang mga tawo sa kadugayan.

Maayo gani ka kay duna kay anak nga imoha gyung dugo. Naay uban diha nga bayot sama nimo nanagop kay wa man silay anak. Lahi ra kon duna kay anak nga atimanon ug alimahan. Makalingaw samtang sila magdako unya imoha pang kaugalingong dugo.

Naa na man na, atubanga ninyong duha nga lig-on ang usag usa.

NOY KULAS

kulassuper@sunstar.com.ph