Kerwin Espinosa hayan ibalhin og prisohan

Gitan-aw sa Department of Justice (DOJ) ang posibleng pagbalhin sa nabilanggong self-confessed drug dealer nga si Rolan “Kerwin” Espinosa ngadto sa mas luwas nga pasilidad nunot sa iyang pakyas nga pagsulay og eskapo.

“We believe that Kerwin Espinosa should be transferred to a more secure detention facility in view of the numerous cases that he is currently facing,” matod ni Justice Secretary Menardo Guevarra sa usa ka mensahe ngadto sa mga reporter sa Martes, Enero 18, 2021.

Matod niya nga nakig-alayon na sila sa korte ug irekomendar ang pagbalhin ni Espinosa sa pasilidad nga kontrolado sa Bureau of Jail Management and Penology (BJMP) diin ang mga “unbailed individuals awaiting completion of their trial are detained.”

“The courts will determine the appropriate BJMP facility, but we’ll recommend the most secure one. The same arrangement will be recommended for the other detainees who attempted to escape,” siya nidugang.

Una nang gibutyag ni National Bureau of Investigation officer-in-charge Director Eric Distor nga ilang nadiskubrehan ang plano ni Espinosa, uban sa laing duha ka mga piniriso, sa pag-eskapo sa ilang pasilidad pinaagi sa lungag sa exhaust fan niadtong Enero 13.

Sa usa ka taho sa telebisyon, si Espinosa mihimakak nga adunay plano sa pag-ikyas, nga matod niya nga ang detention cell diin nakit-an ang lungag dili iya kondili sa duha pa ka mga piniriso.

Kasong paglapas sa Comprehensive Dangerous Drugs Act of 2002 ang atubangon ni Espinosa.

Ang iyang amahan nga si anhing Albuera Leyte Mayor Rolando Espinosa Jr., kinsa naa sa listahan sa drugas ni Presidente Rodrigo Duterte, naglambigit kaniya sa illegal drug trade.

Didto na siya nasikop sa Abu Dhabi diin siya misulay sa pagtago human gihinganlan ni Duterte ang iyang amahan nga usa ka narco-politician.

Niadtong Disyembre, gibasura sa Makati City Regional Trial Court (RTC) Branch 64 ang usa sa mga kaso ni Espinosa kalabot sa 2013 nga palpak nga illegal drugs transaction nga naglambigit og 20 kilos nga methamphetamine hydrochloride (shabu) sa parking lot sa usa ka mall sa Makati City.

Adunay tulo ka kaubang akusado si Espinosa sa nahisgutang kaso nga gibasura. Apil niiini si Wu Tuan Yuan, nailhan usab nga Peter Co, usa ka convicted drug lord nga gitanggong sa New Bilibid Prison.

Ang kaso gibasura tungod sa kapakyas sa prosekusyon sa “adduce evidence to overturn the presumption of innocence enjoyed by the herein accused.” (TPM sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph